اتنين سمعهم تقيييييل

اتنين سمعهم تقيييييل

الأول : الاتوبيس ده بيروح مصر الجديدة؟

الثاني : على الحديدة !!... ليه انت طالب احسان؟
الأول : بذرة الكتان !! لا ..دي تلاقيها عند العطار
الثاني : جزار !! اه.. قوللي كده.. عايز تشتري لحمة؟
الأول : معك حق.. الدنيا زحمة.. علشان ده ميعاد خروج الموظفين
الثاني : نور الدين !! لا والله.. ماعرفوهش
الأول : ما بتشربوش!! ليه.. كفا الله الشر؟
الثاني : رأس البر !!!.. ده مــصيف هادي
الأول : عايز تركب للمعادي؟.. دي منطقة جميلة
الثاني : بليلة ؟!! انت شكلك كده جعان
الأول : عيان ؟!!! أي والله.. انت باين عليك عيان.. طيب ما تروح للدكتور
الثاني: الحنطور !! ده احسن من الأتوبيس، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! يانهار اسود.. ده مرض خطير
الأول : لا والله مش عايز؟ وبعدين مش بأحب الفطير.. تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن.. نهارك مش فايت.. انت عليك عفريت !؟
الثاني : لا والله.. ممعاييش.. انت عايز الكبريت ليه..؟ عايز تولع؟
الأول : أدّلع ! أدّلع عليك انت !؟ انت ما تملاش عنيّا
الثاني : يقبضوا عليا !! ليه !؟
الأول : انت غريب يا راجل انت..شكلك شحات
(يدفعه من القميص)
روح اشتغل شغلة تاكل منها عيش
الثاني : خيش !! والله ده صوف انجليزي
الأول: بنتك زيزي !!! ربنا يخلّي
الثاني : إنتاج محلي !!! ده مستورد

يمر شاويش من بتوعنا.. يلفت انتباهه الحوار فيقول: بتعمل ايه يا جدع منك له
!!!

الاتنين: مافيش يا شاويش ...احنا مستنيين الأتوبيس
الشاويش : نهاركم مش فايت.. جواسيس !!! قدامي على القسم

هى البلد كلها طورش
ربنا يسترها علينا
علشان الفول بيتقل السمع

ههههههههههههههههههه

ده شر بقى ياجيرسى

تسلم ايدك حبيبتى

أميرة البستان

تسلم على المرور مديرنا الغالى

بارك الله فيك

حببتى الشريره مرمر

يسلم مرورك يا حبى