حب ما تعمل حتى تعمل ماتحب

حب ماتعمل حتى تعمل ماتحب

........

حكمة مشهورة جدااااا كلنا بناخد بيها

بس المشكلة فى الوطن العربى

وخاصة بلدى حبيبتى

ان انت هتعمل نفسك بتحب ماتعمل فى انتظار ان تعمل ماتحب

وياعينى علينا لاننا عمرنا مهنتشغل اللى احنا بنحبو

واحتمال كمان منشتغلش اللى احنا مبنحبوش

هههههههههه

لان مفيش شغل اصلا

...............

يمكن رؤيتنا للموضوع البطالة اختلف عن الجيل اللى قبلينا

ويمكن انا رؤيتى اختلفت عن كام سنة فاتوا

كنت زمان بقول الغربة وحشو وبهدلة وكلام فاضى

دلوقتى بقول

مفيش احلى من الغربة

لانك لو مخترتهاش بمزاجك هتعيشها جوا بلدك

.........

لو فى ايدى اضحى باحساسى بالامان جوا بلدى

عشان اوفر النجاح لاولادى فيما بعد

تفتكروا هختار ايه؟؟؟؟؟

ادفن مواهبهم هنا

ولا انميها هناك

اعلمهم تعليم غلط فى غلط هنا

ولا اعلمهم تعليم كويس هناك

يبقوا فاشلين هنا ومفيش حد بيحترمهم

ولا ميبقاش عندهم ث فاضية هناك

.........

غصب عنى لما بفكر فى الجيل الجاى

بلاقى مستقبلو بكل المقاييس بر

بكل الاتجاهات سواء التربيوية او العلمية او الاخلاقية او الرياضية بر

..............

تفتكروا فى امل فى الاصلاح

فى رأيى ان فى امل بس ده لو حصل شويا حاجات هتحتاج سننين

اولا نبقى دولة اسلامية

ثانيا المنظومة والحكومة تبقى باختيار الشعب

ثالثا يبقى فى عدل الوزير زى الغفير

رابعا الفلوس اللى تحت البلاطة تطلع

طلعوها طلعوها واحنا هنعمل نفسنا مكناش واخدين بالنا

ههههههههههههههه

يعنى

حاجات كتير

يمكن تحصل ويمكن متحصلش

بس فى كلا الحالتين

هنا او هناك

لازم انا وانت نبقى ناجحين

دمتم بخير