عيب يا حسين

موضوع: عيب يا حسين الأحد 29 مارس 2009, 2:25 pm

كان يامكان ياسعد يااكرام ...ولا يحلى الكلام الا بذكر النبى عليه الصلاة والسلام
(عليه الصلاة والسلام)

لما كان عبدالله طالع على السلم ...شاف صاحبنا حسين بيفتح الباب على الجيران وبيدخل علشان ينادى على عمر صاحبه علشان يلعب معاه

بس اول ما عبدالله شافه قال له

عبدالله : ايه ياحسين اللى انت بتعمله دة؟؟كدة عيب ياحسين

حسين: انا عايز صاحبى عمر علشان يلعب معاى فداخل علشان انادى عليه

عبدالله :لا ياحسين انت لازم اساسا الاول تستاذن قبل لما تدخل على الناس كدة وتستاذن ثلاث مرات كمان

حسين: مممممممم طيب وانت عرفت ازاى ؟؟

عبد الله :هات ودنك وانا اقولك عرفت ازاى

حسين : ماشى ياعبدالله شكرا

وبعدين حسين كان قاعد هو واخوه الصغير علي

علي كان عايز ينادى على ماما من الغرفه بتاعتها

وفعلا قام علي علشان يفتح الباب وينادى على ماما ....بس اول لما حسين شافه نادى عليه وقال له

حسين:لا ياعلي كدة عيب ...انت المفروض تستاذن الاول قبل لما تفتح الباب على ماما وبابا

وفعلا خبط على ثلاث مرات ...نق نق نق

فتحت ماما الباب وهى مستغربه اوى من تصرف علي دة وقالت

ماما: ايه دة ياعلي !! مين اللى علمك تعمل كدة؟؟
علي : حسين ياماما هو اللى قال لى ان عيب افتح الباب كدة وانى لازم استاذن مش مرة واحده بس لأ ثلاث مرات !!

راحت ماما نادت على حسين وقالت له

ماما: مين ياحسين اللى قالك تعمل كدة

حسين : دة عبدالله صاحبى ياماما اللى قالى اعمل كدة
وقالى كمان ان دة اللى سيدنامحمد صلى الله عليه وسلم قال لنا عليه

قال رسول الله صلى الله عليه وسلم "الاستئذان ثلاث, فإن أذن لك وإلا فارجع "